الامل المفقود#قصريذلك لاتقبل مبانيه=خله عسى شامخ طويله هدامي

عدد الرسائل : 100 تاريخ التسجيل : 24/10/2007

السلام عليكم

خلاص يعني الأمل فيك مفقود .. وأنا اللي كنت أحسب شعورك عشاني
حاولت ياما لكن الباب مسدود .. الله يعوض حبي شوقي وحناني
كنت أحسبك بداخلي دوم موجود .. مهما أروح بعيد انت بكياني
كانت محبتنا أبد مالها حدود .. كنت بحياتي دنيتي والاماني
وأنا بقربك عالمي كان محدود .. كنت أحسب اللحظات وإيا الثواني
ماأمل من شوفك أنا كنت أبي زود .. وكل ماأشوفك قلت ربي عطاني
دايم أقول مثلك في هالكون معدود .. كنت أحلف إنك انت إنسان ثاني
كنت الأمل كنت العطر كنت الورود .. كنت اللي أشكي له وأقول له أعاني
من كثر ماحبيت عيونك السود .. كتبت لك اشعار وأهديت اغاني
ليش الألم ليش الجفا ليش الصدود .. بذمتك يعني صار غيري بمكاني ؟!!
كفّي بيبقى لك على طول مدود .. ابعد ليالي بس ارجع لي ثاني
صدقني تلقاني مثل أول وزود .. بالعكس يمكن زاد فيني حناني
أكذب على نفسي أقول يمكن يعود .. ومرات أصدق وأعترف هو نساني
حاولت ياما لكن الباب مسدود .. الله يسامح حظي اللي رماني
إن مت أنا في يوم بأوصيك يادود .. لو زار قبري وإلا إنه بكاني
قول له يحبك ويعترف كان محسود .. ولو كان عايش جان قالك عشاني
لاتبكي دموعك ولاتنثر ورود .. جيتك تكفي ياعسى تكون هاني
وقول له أمانة يروح عند ناعم العود .. ذاك اللي خلاني بدونك أعاني
قول له يقولك انت بالحب موعود .. دامه أخذك مني أكيد مابيعاني
لأني أعرفك زين ماتكذب وعود .. طيب وفي حساس راعي معاني
كنت بحياتي انت بس اللي مقصود .. كنت مستعد أمووووت وتبقى بمكاني
من كثر ماحبيت عيونك السودة .. أهديت لك عمري والعمر فاني

OX~~~~~~~~~~~~~~~~~~~~~~~~~~~~~OX

وآسفة إذا طولت عليكم ..بس عندي قصيدة ثانية تفضلو

السلام عليكم

قصر يذلك لا تقبل مبانيه==خله عسى شامخ طويله هدامي

شي بقلبي ياملا حاير فيه ===شي تحير ابه العقول الفهامي

مخفيه بفوادي ولا ودي ابديه == وادو الخيرات شرق وشامي

احترت به ماشفت شي يحاليه == واليوم ابنشر عنه مانيب كامي

{سيل حدر مع وادي غير واديه == مدري حلال ماه والا حرامي}

كأنه حلال وجايز شرب صافيه === وش حرمه يا مفسرين الحلامي

هاتو تفاصيله وهاتو معانيه === نبي الدليل اللي عليه الكلامي

نبي دليل يفهم الدرب ماشيه == يمشي به التايه بليل ظلامي

يمشي به التايه ويقدي مواطيه == ويشرب قراح الماء ليا صار ظامي

لاشك هجسي يوم خلا مماشيه == انه حرام ومنه زود الاثامي

احرم من الزقوم مره وحاليه == وشربه على الضامي يزيد الهيامي

الله من قلب همومه تقزيه == تدك به مثل الجراد التهامي

من ماجرىقامت تتله مشاحيه == تل الرشا من فوق هدف المقامي

روابع قامت تصيبه وتخطيه === شاف الهوايل واختلاف الاسامي

مايسمع الداعي ليا قام يدعيه == يعوم في بحر من الهم طامي

ماينتبه للي بصوته يناديه == يزيدهمه يوم كل ينامي

يشوف وقت ماعرفنا تواليه == وقت يشيب من بسن الفطامي

هذا زمان كاثرات بلاويه == الغيم يقلب فيه عج وكتامي

يابعد شرب الماء على كبد راجيه == ماسيل الغبرا زعوج الجهامي

أنبيك يامن كلمة الحق ترضيه == اعطيك ماينفعك وافهم مرامي

قصر يذلك لا تقبل مبانيه === خله عسى شامخ طويله هدامي

خله عسى ماصاب اغادير يفنيه == يودع منازله الطويله رجامي

لوزان مدخاله وطالت حواميه == شيد على الخيبه قليل الرحامي

وحي يوريك المذله وتغليه == أنا اشهد انك ميت القلب عامي

من لا يودك لا توده وترجيه== ارفع مقامك يا عزيز المقامي

من قارب الاجرب بالامراض يعديه== عداه تسطي باللحم والعظامي

درب السلامه بينات مماشيه == ودرب العطب يرث عليك الكلامي

ابعد وقلبك نازح البعد يشفيه == وتلقى عن الدار البغيضه مقامي

دار بدار وداعي الذل عاصيه == ولا تقبل الذله نفوس الكرامي

والعبد له رب عن الناس يغنيه == ولولاه ماصاب الهدف كل رامي

الشاعر: محمد السديري

WOW

شرايكم بنات

واااااو ...
روعة
ما شاء الله عليكي حبيبتي كلماتك رائعة وراقية ...
ليس لدي ما أقوله فكلماتك قد أعطت كل شيء حقه ....

ملاك

تحياتي يا أمر ....

وآآآو واللهـ,.! مشكووورة يالغالي’,.!